Денеска се навршија 27 години од загинувањето на војникот Петре Тодоровски во немирите во Словенија. По тој повод неговото почивачиште го посетија и свежо цвеќе положија неговата мајка, делегација од локалната самоуправа и делегација од сојузот на борци Кавадарци.

Пред 27 години во 1991 година година кога започна да се распаѓа поранешна Југославија, на браникот на слободата и хаосот се најдоа многу наши, македонски млади момчиња, чија младост штотуку започнуваше.

Меѓу нив беше и кавадарчанецот Петре Тодоровски, кој својот воен рок го служеше во Љубљанската касарната „Љубљана поле“. Немирнатото лето 1991 година во Словенија, која прва од југословенските републики се повлече од Југославија, го затече Тодоровски во главниот град на ова земја. Тодоровски беше убиен на стражарското место. Заедно со повеќе наши македонски момчиња мегу кои и Сашко Гешовски, Мишко Митрев од Кавадарци и други македонски млади војници ги положија своите животи во виорната 91 година кога се распаѓаше СФР Југославија.

A.Д

Додади коментар

▼