Општина Кавадарци ги повикува сите невработени заинтересирани лица да се пријават за извршување на јавни работи за потребите на општината, според јавниот повик на Агенцијата за врабортување.
Овој јавен повик е објавен поради потребата на општина Кавадарци за ангажирање на 20 лица кои доброволно ќе извршуваат активности во правец на оплеменување на зеленилото низ градот, засадување на нови садници, подигање на нови зелени површини, кастрење на вегетација, одржување на селски патишта и фудбалски игралишта, како и чистење и одржување на чистота на повеќе локации.
Времетраењето на ангажманот е 22 дена, а ќе се регулира со склучување на договор. На невработените лива им се исплаќа надоместок од 600 денари дневно, со вклучен данок на личен доход и осигурување за инвалидност и телесно оштетување причинето со повреда на работа и професионална болест. На корисниците на парична помош во времетраење на мерката ќе им биде активно правото на користење на социјална помош.
Заинтересираните лица потребно е да достават пријава, копија од лична карта и трансакциона сметка до општина Кавадарци.
Додади коментар