Деновиве преку оперативата на ангажираната фирма се поставува нова нисконапонска линија на улицата „Пионерска“, каде се врши вкопување на мрежата од јавното улично осветлување - информираат од локалната самоуправа.

 

 

Ова е само една од проектираните 17 локации во градот каде ќе се интервенира во подобрување на нисконапонската мрежа и сите останати елементи од уличното осветлување.

 

 

Според проектот на сите 17 локации општината ќе постави вкупно 420 метални столбови со висина од 4 до 10 метри, како и штедливи ЛЕД светилки со различна јачина, меѓу 60 и 80 вати во зависност од потребите. Во новата мрежа ќе се вградат 12 000 метри нисконапонски кабел кој ќе биде вкопан во земја. Освен ова предвидена е и реконструкција на 800 постојни светилки.

Крајната цел на општината, преку овој капитален проект е да се формира и центар за мониторинг и управување со Јавното улично осветлување.

 

 

Воедно на кабелските оператори и на ЕВН, им овозможува во рововите да постават нивни инсталации, со цел градските улици да бидат ослободени од воздушните водови и старите дрвени бандери.