Општина Неготино продолжува со спроведување на проектите за подобрување на состојбите со водоснабдувањето во општината. Проектите за хидраулично регулирање на притискот на водата за пиење, изградбата на 2 нови резервоари за обезбедување на дополнителни количини вода, замена на старите со нови автоматизирани водомери, реконструкција на водоводната мрежа на улици во градот во должина од 8 километри се проекти кои општина Неготино ги реализира и ќе ги реализира со кои ќе дојде до подобрување на состојбите со водоснабдувањето како и долгорочното обезбедување на 24 часовно водоснабдување. Првичните резултати од спроведување на дел од проектите ги почувствуваа неготинските граѓани со укинувањето на 12 часовните дневни и ноќни рестрикции.

Во контекст на ова, стручните служби при локалната самоуправа заедно со соработка со одговорните лица во ЈП „ Комуналец “ континуирано ја следат состојбата на терен, ги откриваат дефектите и преземаат навремени активности за санација на состојбите и проблемите. Како што истакнува градоначалникот Ванчо Апостолов, поголем дел од дефетите се регистирани и за кратко време ќе се премине на нивната санација. Како што информираат од општината наскоро ќе започне  процесот на замена на старата дотраена водоводна мрежа на потегот од винарската визба „ Повардарие “ до селото Дуброво во должина од 1200 метри, каде се откриени најголеми загуби на територијата на општината од 13 до 15 литри во секунда, а со санирањето на состојбите на терен, овие загубени количини вода ќе доаѓаат до домовите на граѓаните на Неготино  и дел од населените места. Потребните средства за реализација на овој  проект ќе се обезбедат од Буџетот на општина Неготино.

 М.Алексовска

Додади коментар

▼