Респираторните инфекции, мозочните удари и инфарктот се одраз на моменталната временска состојба.Типична слика на грип за среќа сеуште немаме, но ваквото време е во полза на ова вирусно заболување, вели за ктв доктор Антоан Паракеов началник на Итната медицинска служба при Здравствен дом Кавадарци. Деновиве најчесто интервенираме на респираторните инфекции, грло, бронхит,воспаление на белите дробови.

Зачестени се за жал мозичните удари и инфарктот врз основа на покачениот крвен притисок кој пак е исто одраз на наглите временски промени, категоричен е Паракеов. Дека дел од луѓето тешко ги поднесуваат промените покажуваат интервенциите на итната медицинска служба од каде апелираат да се почитуваат медицинските препораки, да се зема редовно препишаната терапија и да се води поголема грижа за сопственото здравје.

Повеќе витамини, правилна и редовна исхрана исто се важни за здравјето и борбата против сезонскиот грип на кој иако му годи ваквото време за среќа сеуште го немаме во типична слика, се препораките на лекарите. Се интервенира навреме на итните повици, но и на сите случаи кои помош побарале во службата за итна медицинска помош. Често граѓаните совет бараат и на 194 кога се во прашање полесни заболување или проблеми со здравјето како што се покачената телесна температура, но ние сме секогаш тука и во служба на здравјето на нашите сограѓани вели доктор Антоан Паракеов. Навремената интервенција, поголемата грижа за сопственото здравје и превенцијата се многу важни смета Паракеов.

Милица Младенова

Додади коментар

▼