Градоначалникот на Кавадарци, Александар Панов доби виза од советот да го потпише договорот за воспоставување на јавно приватно партнерство за зонско паркирање со најповолниот понудувач. Советниците од мнозинството дадоа подршка на ваквата одлука, додека опозицијата беше против.
Координаторот на советничката група на СДСМ и коалицијата, Зоран Бањански рече дека ќе гласаат против од принципиелни причини.
Со денешното овластување на градоначалникот да го потпише договорот за јавно приватно партнерство станува се поизвесно воведувањето на зонското паркирање кое треба да го реши хаосот со паркирањето во Кавадарци.
Поради слабиот интерес процедурата за јавно приватно партнерство за зонското паркирање во неколку наврати се менуваше, а се менуваа и критериумите на договорот.
Повторно се одложи за наредна седница предлог одлуката за поништување на претходна одлука за давање согласност на годишен план за вработување во општина Кавадарци и предлог одлуката за давање согласност на годишниот план за вработување во општината.
Одложувањето на овие точки уследи откако советничката Милица Андова побара од секретарот на општината поконкретни објаснувања, но поради не присуство на секретарот на седницата и по неколку минутната пауза беше одлучено овие предлог одлуки да се разгледуваат на седницата закажана за наредниот вторник.
Советникот Сашко Петров рече дека советничката група на СДСМ бара одговорност од секретарот бидејќи иако бил повикан не доаѓал на неколку седници.
Aнгел Данов
Додади коментар