Доброволните крводарителски акции низ работните организации продолжуваат и годинава. Денеска успешно беше реализирана акцијата во Винарска Визба Тиквеш , работна организација која традиционално е дел од годишниот план на Црвениот Крст. На само половина час по старот на акцијата одзивот беше одличен.
Десетина вработени инаку доброволни и редовни крводарители чекаа ред за хуманост.Екипа на институтот за трансфузиона медицина ја спроведуваше акцијата, а оценката на докторот беше дека Тиквеш како и секогаш и овој пат ќе ги задоволи очекувањата.
Дека Винарска Визба Тиквеш има хумани луѓе покажаа нивните крводарителски книшки.Десет, петнаесет, дваесет и повеќе пати дарувана крв за да се спаси живот. Хуманоста е единствениот мотив за да се стане крводарител вели за КТВ, Ацо Гацев со дарувани 29 пати.
Само за потсетување освен во Винарска Визба Тиквеш дел од доброволните крводарителски акции организирани од општинската организација на Црвен Крст во текот на годината се и Фени Индустри и Алијанса уан.
М.М
Додади коментар