Наставничка од ООУ „Тошо Велков Пепето“ во Кавадарци е меѓу позитивните случаи на корона вирус дијагностицирани во последните 24 часа. Во изолација се 24 ученици од прво одделение.
„Имаме вкупно 11 нови случаи во изминатото деноноќие. Деветмина се во Кавадарци на возраст од 22 до 69 години, а двајца се во Неготино“ рече за КТВ епидемиолог, д-р Ристе Јовановски.
Се работи на утврдување на контактите на веќе позитивните.
Во повеќе основни училишта во Кавадарци во изминатите денови беа дијагностицирани позитивни наставници и ученици.
На ковид одделот во кавадаречката болница се хоспитализирани 25 пациенти, информираа од болницата.
„Сите пациенти се во стабилна состојба. Отпочна со работа и новиот ковид оддел, а од денеска започна со работа и втората екипа по принцип на ротација во тек на две недели“ информира директорот на болницата, д-р Диме Коцев.
Според извештајот на институтот за јавно здравје, заклучно со 30 октомври од почетокот на епидемијата во Кавадарци се дијагностицирани вкупно 512 позитивни на корона вирус. Од нив оздравени се 295, а активни се 211 случаи, починати се 6 лица.
Во Неготино, пак, вкупно позитивни на вирусот се 158 лица, оздравеле 72, а активни се 83 случаи.
А.Д
Додади коментар