Комисијата за заразни болести денеска на прес конференција ги презентира новите препораки. Предлагаат учениците да ги симнат маските за време на часовите, додека наставниците и техничкиот персонал ќе мора и понатаму да носат заштитни маски.
– Првата мерка се однесува на носење маски во основни училишта, кадешто ги ослободуваме од обврската учениците во основните училишта да носат маски. Обврската за носење маски останува за наставниците и за техничкиот персонал. Втората препорака се однесува на капацитетот на исполнетост на затворени објекти, како опери, театри, кина и други затворени објекти, кадешто досега функционираше рестрикција за максимална исполнетост од 50 отсто, сега одиме на 75 отсто. третата препорака се однесува на користење сертификати во отворени угостителски објекти, каде препорачување да не се бараат сертификати во отворениот дел од угостителските објекти – рече претседателот на Комисијата д-р александар петличковски, мна денешната редовна прес-конференција.
Додади коментар