„Почитувани граѓани Ви благодарам од срце за дадената доверба и поддршка. Ќе бидам ваш достоен претставник во Собранието и секогаш ќе бидам помеѓу вас за да ги слушнам сите проблеми и идеи за заеднички да најдеме решение. Максимално ќе се трудам нашата држава да биде подобро место за живеење за СИТЕ граѓани. СДСМ е партија која нуди демократија, просперитет, прогрес и напредок . Тоа вие го препознавте и затоа СДСМ оствари ПОБЕДА и ќе ја води државата наредните 4 години. Ќе докажеме дека МОЖЕМЕ уште повеќе и уште подобро“ пишува кандидатот за пратеник на СДСМ и коалицијата „Можеме“, Даниела Колева.

„Кавадарци остана бастион во Македонија!  Голема благодарност до сите членови при О.К на ВМРО-ДПМНЕ Кавадарци и до сите граѓани кои ни ја дадоа поддршката на овие избори.  Резултатот кажува се, чиста победа на ВМРО ДПМНЕ во Кавадарци!  Главата горе, сонцето пак ќе изгрее! Македонците и сите други граѓани си решаваат во каква држава ќе живеат! Борбата за Македонија продолжува!. – напиша на својот фејсбук профил претседателот на ОК ВМРО-ДПМНЕ Кавадарци Зоран Јованчев и кандидат за пратеник.

Благодарност до гласачите упати и кандидатот за пратеник од ВМРО-ДПМНЕ, Слободан Ивановски.

„Сакам искрено да ви се заблагодарам за вашиот придонес и вашата одлука да излезете и да дадете поддршка за листата на ВМРО-ДПМНЕ. ВМРО-ДПМНЕ извојува победа во Кавадарци со освоени 9101 глас. Благодарност и до сите членови кои неуморно и несебично даваа се од себе во изминативе 3 недели. Борбата за просперитетна и достоинствена Македонија продолжува! Пишува Ивановски на својот фејсбук профил.

Додади коментар

▼