Со едночасовно исклучување на светлото низ повеќе градови, во саботата беше одбележан „Часот на планетата земја". Од 20.30 до 21.30 во Кавадарци без јавно светло беа улиците „7 Септември“ и „Тиквешко Востание“ поранешна „ЈНА“, а општина Кавадарци, која по втор пат учествува во одбележувањето на „Часот на планенатат Земја“ со симболично исклучување на амбиенталните светла во мрак ја остави и зградата на Локалната самоуправа. Еден час без јавно улично осветлување беше и плоштадот.

За време на едночасовниот прекин на јавното осветлување, волонтери од Црвениот крст Кавадарци на платото пред зградата на Општината запалија свеќи во форма на логото 60⁺ симбол на манифестацијата „Часот на планетатат Земја“.

 Во одбележувањето на „Часот на планетата Земја" се вклучуваат над 170 земји, а многу градови низ светот ја поддржуваат оваа акција со симболично исклучување на осветлувањето на споменици, згради, мостови, канделабри во парковите и слично.елта на овој настан е да ја охрабри глобалната заедница за споделување можности и предизвици за создавање одржлив свет.

Додади коментар

▼