Од ден на ден се поголем број на ковид позитивни се бележат во Кавадарци. Според информациите од кавадаречката болница во моментов има активни 828 случаи.

„Имаме хоспитализирано 31 пациент во ковид одделот и има слободни 29 болнички кревети. Во инфективната амбуланта вчера беа извршени 116 прегледи и 148 тестирања. Од тестираните 105 се позитивни на ковид 19“ информира директорот на болницата д-р Диме Коцев.

Вчера во Македонија од направени  6.193 тестови беа  регистрирани рекордни  2.341 нов случај на КОВИД-19 и 22 починати. Од нив 115 случаи според официјалната статистика на Министерството за здравство беа од Кавадарци, со што градот е на високата трета позиција по бројот на нови случаи. Во Неготино вчера беа дијагностицирани 43 случаи и 9 во Демир Капија.

A.Д

Додади коментар

▼