Измените и дополнувањата на програмите за изработка на урбанистички планови и за развој на општината во 2017 година добија едногласна подршка од советниците на денешната 58 ма седница.

Советот донесе одлука со која се утврдуваат потребите од донесување на нова урбанистичко планска документација за објекти надвор од планскиот опфат и одлука за доделување финансиски средства од буџетот на градскиот ракометен клуб „Тиквеш 2014“. Советниците ги прифатија и решенијата за разрешување и именување на претставници на општината во училишните одбори на гимназијата „Добри Даскалов“, СОУ „Ќиро Спанџов Брко“ и СОЗШУ „Ѓорче Петров“.

Едногласно беа донесени одлуки за донација на средства на синдикалната организација на ЈП Комуналец за реализација на проект од јавен интерес. Едногласно беше подржан предлогот од советникот Горан Белевски од СДСМ за ослободување на млади до 30 години од плаќање фирмарина во рок од три години.

Тој рече дека со оваа одлука ќе се поттикнува самовработувањето и отворањето на нови работни места.

„Со оваа одлука советот на општина Кавадарци сите млади до 30 години кои на територијата на општината ќе основаат фирма ќе бидат ослободени од плаќање на комунална такса за фирмарина. Ослободувањето ќе важи во првите три години од денот на основањето на фирмата“ рече Белевски.

На продолжение на 58 ма седница советот дополнително ќе ја разгледува одлуката за давање на согласност на годишниот план за вработување во општината за 2017 година.

По процедуралана забелешка од опозицијата, дека немаат доволно информации, на продолжение дополнително ќе се разгледува и ќе се одлучува по одлуката за овластување за потпишување на договор за јавно приватно партнерство за услуги на паркирање во општина Кавадарци.

A.Д

Додади коментар

▼