Центарот за социјални работи Кавадарци упатува повик до сите заинтересирани лица, корисници на права од областа на социјалната и детската заштита до 10 јули да поднесуваат барања за користење на бесплатната услуга за одмор и рекреација за своите деца.

Како што информираат од кавадаречкиот центар, оваа услуга можат да ја користат деца од семејства корисници на социјална парична помош, постојана парична помош, посебен додаток, родителски додаток како и деца родители и родителска грижа родени во периодот од 2002 до 2007 година и деца редовни ученици кои во учебната 2016/17 посетувале пето, шесто, седмо, осмо и деветто одделение, како и деца корисници на посебен додаток до 26 години.

Децата со посебни посебни потреби имаат право на придружник за време на одморот. Децата кои ќе бидат за пријавени за оваа бесплатна услуга ќе летуваат во некои од туристичките центри во земјава во смени од по 7 дена. Одморот опфаќа шест полни пансиони и едукативни, забавни и спортски активности. Кон барањето за летување, потребно е да се достави и потврда од училиштата за редовни ученици.

А.Д

Додади коментар

▼