Здружението „Пантелејмон“ донираше храна и облека за поплавените
09-08-2016 РЕГИОН

Во чест на големиот христијански празник „Св. Пантелејмон“ , здружението на граѓани „Пантелејмон“ реализира хуманитарна акција. Членови на ова здружение го посетија собирниот пункт за хуманитарна помош поставен на градскиот плоштад во Кавадарци, каде донесоа донација во храна и облека за настраданите од поплавите во Скопје.

 

„ Ние традиционално како здружение донираме на овој ден. Ова се поклопи со настраданите граѓани од поплавите во Скопје,  па ја искористивме приликата да дадеме еден наш придонес во храна и облека да им се помогне на тие луѓе. Даваме апел до сите граѓани од општина Кавадарци кои се потврдени како хумани луѓе да го дадат својот скромен придонес, кој колку е во можност,  да  се помогне на настраданото население.“ рече Панчо Минов, претставник од здружението „Пантелејмон“.

 

А.Д



Share

Додади коментар