Извидништвото е едно од најголемите движења во светот со вкупен број од околу 50 милиони извидници. Основано е во 1907 година од страна на Баден Пауел и постои во сите земји во светот.

Нашето мото е Создаваме подобар свет!

Категории на членство
Развигорци: 7-10 години
Извидници: 11-14 години
Истражувачи: 15-17 години
Ровери: 18-29 години
Ветерани: 30+ години


Извиднички одред Авантуристи Кавадарци е невладина, непрофитна организација која работи во областа на неформалното образование кај младите луѓе. Целта на здружението е да придонесе во развојот на младите луѓе во достигнувањето на нивните потполни физички, интелектуални, општествени и духовни можности како поединци, како одговорни граѓани и како членови на нивните локални и национални заедници, како и меѓународната заедница.

Со самото оформување на Извидничкиот одред Авантуристи на 09.03.2020, си поставивме за приоритет да прераснеме во водечка организација за неформална едукација на децата и младите на територија на општина Кавадарци. Огромна поддршка во целиот процес ни нуди Сојузот на извидници на Македонија, каде што извидниците од Кавадарци станаа придружни членови од 21.06.2020.
Иако оформени во период пред да се соочиме со предизвикот наречен Ковид 19, сепак продолжуваме согласно нашите цели. Целта на здружението е да придонесе во развојот на младите луѓе во достигнувањето на нивните потполни физички, интелектуални, општествени и духовни можности како поединци, како одговорни граѓани и како членови на нивните локални и национални заедници, како и меѓународната заедница.
Како една од најважните активности на Извидничкиот одред Авантуристи е организирање кампови, едукативни хајкови, работилници и активности за зближување на децата со природата.

Одредот е управуван од Старешинство од вкупно 6 члена и Старешина (претседател) кој е одговорен за целокупната организација додека, со Советот на водачи, извидниците и годишната програма раководи началникот на одредот.
Водач е лице кое е обучено да работи со група од 10 до 12 извидници односно патрола и е одговорно за активностите на истата.
Патрола е основната единица во која извидниците активно учествуваат и се сретнуваат најмалку еднаш неделно од Септември до Јуни. Патролата, најчесто заедно со другите патроли, има и надворешни активности како излети, кампувања во природа, освојување вештарства, кампањи, проекти, тренинзи, свечености, извиднички акции и смотри, интернационални настани и слично.

Обврски на членовите на одредот - униформираност и членарина

Она по што извидниците се препознатливи и се разликуваат од другите организации е извидничката марама и извидничката кошула.
Извидничката марама е различна за секој одред во Македонија а постои и национална марама која се користи за интернационални активности. Потребно е извидникот да ја има во секој момент и да ја носи на сите извиднички  активности својата одредска марама која може да ја добие кај својот водач.
Извидничката кошула е вметната уште од самиот почеток на извидништвото бидејќи со неа се покриваат сите социјални разлики и се покажува еднаквоста без разлика на пол, националност, религија и слично. Таа е определена на национално ниво и истата може да се порача кај својот водач.

За членарината и наплаќањето на истата можете да дознаете со обраќање кај старешината или началникот на телефонските броеви прикажани најдоле.

Комуникација и соработка
Како родител, главната комуникација ја имате со водачот на патролата во која се наоѓа вашето дете а по потреба и во секој момент може да разговарате и со началникот и старешината на одредот, додека пак на извиднички активности надвор од неделните состаноци ќе бидете известени за одговорниот водач и слободно ќе може да го контактирате во било кој момент.

Во склоп на мисијата на извидништвото, сметаме дека од особена важност е комуникацијата и соработката со родителите на извидниците да биде на високо ниво и поради тоа Ве замолуваме да нѐ контактирате доколку имате било какви прашања или потреба за повеќе информации.

Контакт

Старешина на одред-Дарко Зоков тел. 072/251-453

Началник на одред-Ивана Ѓорѓиева тел. 070/432-156

Email- ioavanturisti@yahoo.com