Од денеска до 11 јуни ќе се спроведува екстерното проверување на постигнувањата на учениците за учебната 2015/2016 година во јунската сесија. Ќе бидат опфатени 178.648 ученици од основните и средните училишта, кои ќе бидат тестирани по 1972 предмети, соопшти Државниот испитен центар.ДИЦ претходно го објави базенот со прашања по сите предмети.

Учениците се тестираат по два предмета кои ги дознаваат три дена пред полагањето, така што на учениците што беа тестирани денеска предметот им беше соопштен во петокот попладне.Поради уписите во средно училиште (28-ми и 29 јуни), резултатите од екстерното тестирање најпрво ќе бидат објавени за деветтодделенците (на 13 јуни), а за сите останати ученици на 17 јуни.

Екстерното тестирање беше воведено во учебната 2012/2013 година со цел да се провери објективноста на наставниците при вреднувањето на успехот на учениците.Екстерсното тестирање денеска без проблеми стартуваше и низ училиштата во Кавадарци. Од таму велат дека претходно се било подготвено и нема никакви пречки во спроведувањето на целиот процес.

Додади коментар

▼