Претседателите на општинските совети ги закажаа и свикаа последните седници за оваа година. Општинскиот совет на Росоман во понеделник ќе ја одржи 11 седница по ред, а советот на Градско во среда ќе се сретне на 7 та по ред седница.Четири точки се на дневен ред на седницата на советот на Росоман.

Првата од нив е предлогот за донесување на буџетот за 2014 година, а втората предлогот за извршување на истиот.На дневен ред е и предлог извештајот на комисијата за мандатни прашања избори и именувања по кој ќе се одлучува за избор на членови во управниот одбор на новата детска градинка Праскичка како и именување на член во одборот како претставник на министерството за труд и социјална политика. Наспроти единаесетата седница на Росоман, советот на Градско во среда пак ќе ја одржи седмата редовна седница. И таму советниците ќе расправаат по предлог одлуката за буџетот на општината за 2014 година како и неговото усвојување. На дневен ред во Градско е и предлог програмата за работа на советот во следната година.

Предлог програмата за јавна чистота, дезинфекција, дезинсекција и дератизација, како и уредувањето на градежното земјиште во Градско исто се дел од точките за расправа. На последната седница за годинава советниците на општина Градско ќе решаваат и по предлог одлуката за отпочнување на постапка за донесување на урбанистички план за населба градско, урбанистички планови за Градско, одлука за формирање на совет за јавно здравје , а ќе бидат разгледани и барањата доставени до советот.И двете седници  се со почеток од 15 часот.

 М.М

Додади коментар

▼