Од Локалната самоуправа Росоман ги информираат граѓаните од населените места Сирково, Камен Дол, Дебриште, Манастирец и Паликура дека водата за пиење од селските чешми и локалните водоводи не е за пиење.

Согласно решенијата од Агенцијата за храна и ветеринарство во селото Дебриште има забрана за пиење на водата од природните чешми и локалниот водовод. Во село Паликура исто забраната се однесува на водата од природните чешми и селскиот водовод, во Манастирец водата е забранета само од локалните шешми, додека за Сирково и Камен Дол забраната за пиење на водата се однесува за водата од селските чешми и од локалниот водовод.

Од локална самоуправа Росоман нагласуваат дека за сите населени места каде има забрана за пиење на водата ќе биде обезбедена чиста вода со помош на цистерни.

М.М

Додади коментар

▼