За викендот над 200 нови ковид позитивни во Кавадарци

Бројот на ковид позитивни во Кавадарци и регионот во овој бран, продолжува да расте, покажуваат податоците од ЈЗУ Општа болница Кавадарци. Во моментов во Кавадарци активни се 1075 ковид позитивни.

„Имаме 25 хосиптализирани пациенти во ковид одделот и слободни се 35 места. Викендов во инфективната амбуланта се извршени над 200 прегледи, а дијагностицирани се и 208 нови ковид позитивни“ вели директорот на кавадаречката болница д-р Диме Коцев.

Дознаваме дека денеска во Кавадарци поради растот на бројот на ковид позитивни ќе расправа и општинскиот кризен штаб.

Статистиката на министерството за здравство покажува 42 нови ковид позитивни вчера во Неготино и два случаи во Демир Капија.

A.Д