Во рамки на детската недела денеска учениците од ООУ Гоце Делчев Кавадарци од второ до петто одделение донираа десетина хуманитарни пакети со облека и обувки.Тие претходно хуманитарната акција ја спроведоа во изминатите два дена во холот на училиштето,а беше отворена за сите, во рамки на можностите информираат од училиштето. Денеска во соработка со Центарот за социјална работа учениците од Гоце Делчев  пакетите со облека и обувки ги донираа на дечињата од малиот групен дом како и на неколку социјално загрозени семејства од ромаска националност.

При посетата заедно со дванаесетте ученици беа и четворица наставници, а покрај хуманитарниот дел денеска одлична беше и дружбата додаваат од училиштето. Размената на искуства, знаењето, идеите за соработка, а дечињата од малиот групен дом добија и отворена покана да присуствуваат на утрешната свечена приредба на која ООУ Гоце Делчев и официјално ќе им посака добредојде во детската организација на најмладите првачињата.

М.Младенова

Додади коментар

▼