Сите гласачки места во Тиквешијата се отворени точно во 7 часот и според информациите од Општинските изборни комисии гласањето протекува без проблеми. Се бележат ситни технички проблеми кои веднаш се отстрануваат.

До 10 часот во Кавадарци гласале 12,56% од 32.706 граѓани со право на глас. Се гласа на 60 избирачки места за четворица кандидати за градоначалник и пет советнички листи. Вчера право на глас имаа 83 болни и немоќни лица.

Во Неготино до 10 часот гласале 11,74% од 16.073 запишани избирачи. Отворени се 27 гласачки места. Граѓаните на општина Неготино избираат помеѓу тројца кандидатри за градоначалник и 3 советнички листи. Во текот на вчерашниот ден гласале 84 болни и немоќни лица.

Највисока излезност до 10 часот и на овие избори се бележи во Демир Капија. Од вкупниот број запишани избирачи 3.405 до 10 часот гласале 652 граѓани или 19,15%. Жителите на Демир Капија избираат помеѓу двајца кандидати за градоначалник и две советнички листи.

Во општина Росоман во избирачкиот список се запишани 3.411 граѓани со право на глас, а до 10 часот своето избирачко право го искористиле 8,1% или 275 граѓани. Се гласа на 11 избирачки места. Вчера гласале 31 болни и немоќни лица.

А.Д

Додади коментар

▼