Општина Кавадарци продолжува да ја реализира програмата за комунална изградба. Во моментот интензивно се работи на поставување, репарирање и иградба на нови детски забавни паркови и урбана опрема.

Од почетокот на годината досега поставени се триесетина реквизити на 4 нови детски забавни игралишта. Детски игралчки се поставени и на зеленилото во близина на Агенцијата  за вработување. Денеска градоначалникот Александар Панов беше на терен да согледа како се реализираат активностите и во изјава за КТВ информираше како се одвива комуналната изградба во овој дел.

„Нови игралишта се направени на улиците „Клинска“ во Брушан Маало, „7ми септември“, „Бел камен“ над градски базен и во училишниот двор на подрачното училиште училиште „Димката Ангелов Габерот“ во село Сопот. За оваа намена општината издвои средства во висина од Еден милион и седумстотини илјади денари“ рече Панов и нагласи дека истовремено изведувачот ЗД “Горан“ од Кавадарци извршил заманеа на оштетените и уништени детски реквизити на забавни паркови исто така на четири локации.

Целосно заменети се играчките на игралиштето во паркот „Полана“, булеварот „Никола Минчев“ во зеленилото до хотел „Уни Палас 1“, на улицата „4 ти јули’зад зградите  на кружниот тек и во стамбената населба под вв. „Тиквеш“.

За репарирање на ошттените детски играчки општината потроши 480.000 денари. Исто така во тек се активности и за обнова и фарбање на урбаната опрема поставена на централните градски улици.

Ангел Данов

Додади коментар

▼