Десет куќи се склони кон паѓање во Кавадарци, сопствениците треба да ги санираат или урнат. Тоа мора да го сторат, рече кавадаречкиот градоначалник Митко Јанчев, заради безбедност на луѓето и околината.
-Во изминатите години била прогласена само една склонопадна куќа. Имајќи во предвид дека вистинската ситуација е малку поинаква, општински комисии излегоа на терен и регистрираа десет такви објекти, во многу лоша состојба, појасни градоналалникот.
Биле изготвени записници за објектите склони кон паѓање и за тоа писмено биле известени нивните сопственици.
-Тие имаат рок од триесет дена, да направат санација или да ги отстранат објектите, затоа што се небезбедни за луѓето и околината. Доколку не постапат по тие решенија, општината нема да застане тука и на наше барање со градежна компанија или Јавното претпријатие “Комуналец”, ќе се отстранат објектите, а за тоа ќе им биде наплатено по пазарна цена. Тие мора да бидат свесни за целата оваа ситуација, нагласи Јанчев.
С.Д
Додади коментар