18 ти август денот на Македонската армија денеска свечено го одбележа гарнизон Криволак односно кампот за воена обука Пепелиште. На свеченоста присуствуваа повеќе високи делегации претставници на МВР, градоначалници, фирми и здруженија.Со интонација на македонската химна и химната на АРМ започна празнувањето во кампот за обука во Пепелиште. 1минутно молчење во знак на почит присутните им оддадоа на загинатите припадници на АРМ и борците за слободна Македонија.
18 август е значаен датум за АРМ нејзиниот развој и заложбите во полето на одбраната.Изминатите 22 години сведочат за цврстата армија која ја има Макеоднија и високиот углед на истата на домашен терен и во меѓународни рами, рече пред присутните во своето обраќање, командант потполковник Ивица Цветковски.
На денешната свеченост во Пепелиште пред припадниците на армијата беше прочитана и писмена честитка по повод 18 август од началникот на генералштабот, потполковник Горанчо Котевски, кој честитувајќи им го денот на армијците им посака здравје и уште многу успешни мисии. Најважниот момент за оние кои со особено задоволство го чекаат 18 август беше делот кога свечено беа врачени унапредувањата и стимулативните мерки. Низа припадници на кампот за обука Пепелиште денеска беа почестени со овие армиски привилегии.
Од денеска со чин мајор се здоби капетан Блажо Захарчев, а назначени беа и чиновите помлад водник, десетар, и сребрена значка.Неколкумина добија по 7 и 5 дена наградно отсуство,а имаше и низа пофалени.Благодарници за успешна соработка со гарнизон Криволак добија и неколку поголеми фирми.По повод денешната свеченост официјалното одбележување на 18 август во кампот за обука Пепелиште заврши со организирана изложба на дел од вооружувањето и опремата со која располага кампот и заеднички коктел.
Додади коментар