Над триесетина штандови поставени на градскиот плоштад во Кавадарци днеска понудија опција како младите од градот корисно можат да го искористат своето слободно време.Ваквата промоција по трет пат ја понуди саемот за вон училишни активности во организација на советот за превенција против малолетничко престапништво. Секој на свој начин, со пехари , медали, флаери, промотивни цедеа, опрема и реквизити успеа да го привлече вниманието на најмладите од основното образование кои организирано го посетија саемот.За отворен го прогласи претседателот на советот за превенција против малолетничко претстапништво Димитар Каракулев, по професија инспектор за превенција.

Спортски клубови, кошарка, ракомет, фудбал, карате, џудо, атлетика, пинг понг, скијање, невладини организации, хуманитарни организации, образовни иснтитуции, детски фестивали голем е изборот на младите за да одлучат на што ќе го трошат слободното време.Колку оние ште денеска излагаа очекуваат нови членови еве го мислењето.

Саемот за вон училишни активности беше интересен и за граѓаните. На градскиот плоштад беше поставен до 17 часот.Со своето присуство го збогатија и неколку спортски легенди на Кавадарци,  а забавниот дел беше надополнет со настапот на Наташа Малинкова, песните на детскиот фестивал Ластарчиња и триковите на Панчелито.

М.Младенова

Додади коментар

▼