Кампањата за ревитализација на градските улици продолжува. Ангажираната оператива денеска изврши асфалтирање на улицата „Цар Самуил“ веднаш под спортскиот центар „Јасмин“ - информираат од прес службата на општината.
Преку проект на Општина Кавадарци беше асфалтирана површина од 600м2.
Претходно ЈП „Комуналец“ на оваа улица постави атмосферска канализација.
И овој проект Општина Кавадарци го реализира на барање на граѓаните кои живеат во овој дел на градот.
Општина Кавадарци посветува внимание и на одржувањето на постојните површини за одмор и рекреација.
Деновиве општината преку оперативата на ЈП „Комуналец“ реализира проект за обновување на фонтаната во рекреативната зона на улицата „Солунска глава“. Овде се изведуваат водоинсталатерски работи за новата фонтана, како и градежни работи за хортикултурно уредување на просторот.
Планирано и репарирање на постојните реквизити од детскиот забавен парк.
По звршувањето на работите граѓаните од овој дел на градот ќе добијат обновена зона за одмор и рекреација.
Додади коментар