Вработен во „Еуроникел индустри“ позитивен на Ковид 19

Во интерес на навремено информирање на јавноста, информираме дека кај наш вработен по тестирање е потврдено присуство на вирусот КОВИД-19 - информираа вечерва од компанијата „Еуроникел индустри“ Кавадарци.

Истовремено сакаме да ве известиме дека од наша страна навремено е изреагирано и истиот со уште неколку негови колеги т.е. работни контакти, се навремено пратени во домашна самоизолација и сите последователни мерки за претпазливост и превенција се превземени во однос на овој случај. Оттука сметаме дека нашата компанија , односно нашите вработените се навремено заштитени, а продолжуваме и во иднина да ги практикуваме сите мерки, протоколи и препораки за заштита од вирусот КОВИД-19 дадени од Министерството за здравство, Светската здравствена организација, но и дополнителните интерни мерки што ги спроведуваме како компанија.

На нашиот вработен му посакуваме брзо оздравување, од кого имаме сознание дека се чувствува добро и е на домашно лекување - стои во соопштението од Еуроникел индустри.

Ова е трет случај денеска во Кавадарци. Како што информиравме, дијагностицирани се и две лица, жена на возраст од 67 години и маж на 44 години, вработен во „Дрекслермајер“.