Водата е исправна, нема потреба од превривање

Утринските мерења на водата за пиење што ги врши Центарот за јавно здравје покажаа исправни параметри на водата за пиење од водоводниот систем Лукар. Ова значи дека состојбата со водата за пиење по заматувањето кое се случи поради обилните врнежи, сега е нормализирана.

„Во водата е присутен резидуален хлор во нормални вредности што укажува дека дезинфекцијата, односно хлорирањето е завршено согласно правилникот за квалитет на водата за пиење и нема опасност од секундарно загадување. Нормализирањето на состојбата со водата го потврдуваат и резултатите од бактериолошките анализи на земени мостри“ рече д-р Трајче Ризов, специјалист по хигиена од Центарот за јавно здравје.

Тој нагласува дека сега водата од водоводниот систем Лукар може слободно да се користи за пиење и забраната за превривање може да се отстрани.

А.Д