Интензивно се работи на доградба на кејот од „брушанскиот мост“ до Ваташа. Механизацијата на фирмата изведувач на овој проект во моментов работи на земјени работи, а веќе е започнато и оформување на речното корито со камен и бетон.

По завршување и на оваа доградба, целосната должина со пешачка и велосипедска патека ќе биде 6 километри.

„Веќе неколку години општината со вардарски плански регион и министерството за локална самоуправа  работи на изградба на кејот на градското подрачје. Со оваа доградба на овој кеј ќе направиме комплетно заокружување на целиот проект. Вкупната инвестиција е 23 милиони денари, а должината е 750 метра и со тоа добиваме кеј и патеки за шетање од 6 км каде граѓаните може да уживаат и рекреираат“ изјави градоначалникот Митко Јанчев пред околу еден месец кога започнаа градежните работи за доградба на кејот.

A.Д

Додади коментар

▼