И овој октомври Општинската Организација на Црвен Крст Кавадарци во календарот со активности ќе ја забележи меѓународната крводарителска акција. Станува збор за една веќе долги години негувана соработка помеѓу збратимените организации на црвен крст од Кавадарци и Ковин Р.Србија.

По посетата на хуманитарците од Кавадарци сега во градот на виното доаѓаат ковинци. Ќе ги пречекаме во  петок на 11 ти празнично вели Розе Илова секретар на кавадаречкиот Црвен Крст. Во рамки на нивната посета ја организираме и меѓународната  крводарителска акција кој стана традиција при секое доаѓање додава Илова.Акцијата за доброволно крводарување ќе се реализира во салата на општинското собрание во периодот од 10 до 15 часот, во сабота на 12 ти, а крв ќе можат да даруваат сите крводарители и останати жители на Кавадарци и Росоман, вклучувајќи ги и крводарителите гости од Ковин.

Според статистиката на црвениот крст во секоја меѓународна акција со Ковин се даруваат од 20 до 30 единици крв, па така и овој пат очекувањата се дарувани триесетина крвни единици. Инаку по пристигнувањето во петок организирана е заедничка свечена вечера за крводарителите од Кавадарци и Ковин.За сабота најавена е акцијата заедно со спортските игри, а веќе во недела гостите си заминуваат информира секретарот Илова. Инаку и годинава претставниците на Црвен Крст Ковин во Кавадарци ќе бидат сместени по фамилии.

Милица Младенова

Додади коментар

▼