Шеесет избирачки места во Кавадарци утре ќе бидат отворени за шестите по ред локални избори. Право на глас имаат 32.671 граѓани, а во текот на денешниот ден гласаа 83 болни и немоќни лица.

Граѓаните можат да избираат помеѓу четворица кандидати за градоначалници и пет советнички листи. Во кавадаречкиот совет има место за 19 советници.

Во Неготино право на глас имаат 16.073 граѓани на 27 избирачки места. Денеска правото на глас го искористија 84 болни и немоќни лица.

Во трката за градоначалник се натпреваруваат тројца кандидати.

Во Росоман двајца кандидати за градоначалници ја очекуваат подршката од вкупно 3410 избирачи. Ќе се гласа на 10 избирачки места. Во текот на денешниот ден правото на глас го искористија 31 болно и немоќно лице.

/А.Д

Додади коментар

▼