Седумнаесет годишната Владанка Недева е избрана за винска кралица на винскиот карневал што вечлера ќе се одржи во Кавадарци со почеток од 20 часот на градскиот плоштад. Таа на карневалот ќе го придружува  богот Бахус и ќе кренат здравица за бериќетен гроздобер.

Официјално, круната на Недева и ја предаде минатогодишната винска убавица, Симона Минова, посакувајќи и на нејзината наследничка да му донесе многу повеќе среќа на лозарите.

Во карневалската поставка во која вечерва кавадарчани ќе имаат можност да ги видат сите десет девојки кои беа дел од синоќашниот избор, најблиску до Недева ќе стојат нејзините две придружнички, Благица Ставрова и Наташа Сотирова.

Додади коментар

▼