Втората регионална работилница на тема превенција на малолетничко престапништво организирана од Државниот совет за превенција денеска се одржа во Кавадарци. На истата свое учество зедоа претставници од невладиниот сектор, надлежни институции кои ја третираат оваа проблематика како и претставници на бизнис секторот. Сите активности на Државниот совет за превенција на малолетничко престапништво се насочени кон намалување на малолетничкиот криминалитет.

Со цел да се превенира малолетничкото престапништво,  денеска на работилницата  бизис секторот претставуван од Конфедерацијата на работодавачи на Македонија потпиша меморандум за соработка со Државниот совет за превенција од малолетничко престапништво. Со овој документ бизнис заедницата се обврза да ги помага активностите за подобра општествена одговорност на младите.

„ За нас е важно дека сите ние ја сочинуваме државата, но најважно е да вложуваме во младите и на некој начин да влијаеме во превенцијата против малолетничко престапништво. Сметаме дека и ова е една општествено одговорна активност што ја потикнуваме со државниот совет, со тоа што пред се ќе ја  поттикнеме бизнис заедницата да влијае во спречување на малолетничкото  престапништво. Сметаме дека бизнис секторот може да вложува на повеќе начини, преку неформалното,  фомралното образование, важна ни е претприемничката култура да биде носител во одвикнувањето,  или барем во поттикнувањето на тие кои веќе имаат мотив за малолетничко престапништво  да се насочат кон подобро учење, општествено одговорно однесување. Сметаме дека ова е првиот чекор кој го прави бизнси заеницата но не и последен“ рече Миле Бошков, претставник на бизнис секторот Тој уапти апел  до целото население и до бизнис секторот,  со нивното делување и вложување да помогнат во  намалувањето на малолетничкото  престапништво.

Во меморандумот се наведува дека блиската соработка со бизнис конфедерацијата и Државниот совет ќе ја зголеми ефикасноста во успешното спроведување на програмата на државниот совет и во остварувањето на надлежностите во насока на превенирање на малолетничкиот криминалитет.    На регионалната работилница беше нагласено дека новиот модел на превенција во земјава, согласно законот за малолетничка правда ја налага потребата сите институции и организации да се консултираат и соработуваат едни со други.

Aнгел Данов

Додади коментар

▼