Општина Неготино во соработка со приватниот сектор обезбеди и стави во функција уред за автоматска дезинфекција на возилата со што се постигнува поголема ефикасност и намалување на потребата од човечки ресури, информираат од локалната самоуправа.

Првиот уред кој веќе работи е поставен на влезот од Неготино кај старите погони на ФЕМ и со истиот се дезинфиницираат сите возила кои влегуваат во градот, а во функција ќе се стави и вториот уред на влезот во Неготино од Кавадарци.

Локалната самоуправа упатува благодарност до фирмата „Ал-кито“ и други фирми кои помогнаа за брза и аефикасна подготовка и ставање во функција на уредите за автоматска дезинфекција на возилата. Општина Неготино и понатаму продолжува со преземање на соодветни мерки за заштита од корона вирусот.

Со цел за поефикасно справување со пандемијата од Ковид 19 и превентивна заштита на здравјето на граѓаните, општина Неготино обезбеди и подели заштитни маски за повеќекратна употреба. Така, заштитни маски им беа доделени на вработените во ОВР Неготино, во Матичната служба, за потребите на припадниците на Противпожарната единица од нашиот град и вработените во Шумската полиција. Со цел за заштита на здравјето на населението, заштитни маски се делеа на граѓани на градскиот плоштад во Неготино, на возачите на авто-такси возила и на граѓаните кои пазаруваа од Кам маркетот.

Додади коментар

▼