Патот Кавадарци-Росоман во недела ќе биде затворен за сообраќај

Во недела, поради градежни работи ќе биде затворен за сообраќај патот од Кавадарци кон Росоман и во обратна насока, информираат од ЈП Комуналец.

„Ќе се изведуваат градежни работи за поставување на атмосферска канализација на Западен булевар, на потегот од Северен булевар до Флот стакло. Прекинот на сообраќајот во двата правци ќе биде во времетраење од пет часа и тоа од 7 до 14,30 часот, рече Бојан Атанасов, раководител на Секторот за водовод и канализација и додаде дека ќе се пропуштаат само возилата на брза помош.

Доколку граѓаните имаат неодложни работи од Комуналец препорачуваат да се користи заобиколниот пат покрај Дреново до Росоман.