Во центарот на Кавадарци, на градскиот пазар стара куќа која почна да се распаѓа сее страв кај минувачите. Минатиот петок се срушил еден ѕид, а рушевините сеуште стојат.

За среќа при првичното рушење не е никој повреден, но граѓаните велат дека остатоците од куќата можат да се срушат во секој момент и да повредат некого.

И сопствениците на околните дуќани велат дека е опасно да се минува во тој дел, бидејќи пред само некој ден гледале како почнала куќата да се распаѓа, а камења има насекаде.

Кавадарчани бараат брзо да се реагира, за да не биде предоцна. Најфрекфентно во овој дел е за време на пазарните денови и само поради  мало невнимание  некој може да биде сериозно повреден. Најавените поројни врнежи од  дожд можат целосно да ја срушат старата напуштена куќа во строгиот центар на градот.

А.Д

Додади коментар

▼