МЕПСО ги предупредув сите земјоделци во екот на сезоната за наводнување да бидат особено внимателни додека ракуваат со опрема за наводнување, со земјоделската механизација и со додатна земјоделска опрема во близина на далноводи од преносната мрежа. Како што истакнуваат од овде, овој апел е со цел заштита на животот на земјоделите.

Портпаролот на МЕПСО, Никола Стојанов, во изјавата за КТВ апелира до граѓаните да не го загрозуваат сопствениот живот, како и животите на сите што се во нивна близина.

Портпаролот исто така упати апел и до спортските риболовци да бидат особено внимателни при манипулација со риболовните стапови во близина на далеководите. Исто така се предупредуваат сите граѓани да не вршат градежни работи или дејствија во трасите на далеководите, а особено под проводните јажиња за пренос на електрична енергија.

Ангел Данов

Додади коментар

▼