Синоќа во салата на општинското собрание во Кавадарци, општинската организација на Црвен Крст организираше свечена академија по повод 17 ти март денот на основањето на црвен крст во Р.Македонија и денот на крводарителството.

„Несомнено нашиот град е лидер во хуманоста.Неколку години по ред сме на врвот кога е во прашање крводарителството, а тоа само ни дава поттик и понатаму да работиме и бидеме успешни“ , вели во изјавата за медиумите претседателот на кавадаречкиот црвен крст Димитар Каракулев.

Почестени со награди беа 60 тина крводарители. Од нив четириесет добија признание за 4 пати дарувана крв во текот на една година. За 50 пати дарувана крв годинава награди им беа доделени на Мирко Црњеница, Сашо Јовков и Илија Газдаров.За 75 пати дарување наградени се Марјан Петровски и Панчо Мицев, а признанија добија и компаниите кои несебично соработуваат со црвениот крст.

Честитки до наградените односно до сите хумани од името на локалната самоуправа и советот упати претседателката на советот Горица Паливанова Вилхелм.

Награда односно признание за успешна работа денеска ќе добие и црвен крст Кавадарци.Делегација на општинската организација присуствува на свечената академија која по повод 17 ти март се одржува во Скопје.

Милица Младенова

Додади коментар

▼