Децата на вработени во ЕВН Македонија денеска ја имаа можноста  одблизу да се запознаат со работните обврски на своите родители.

Во кориснички енерго центар Кавадарци се реализира проектот „Со децата на работа“ под мотото „Кај мама и тато на работа“.

Како што нагласуваат од компанијата, овој проект има за цел електро струката да им ја приближи на најмалите, а воедно таа да биде една од нивните  можни идни занимања.

Децата  учествуваа во експерименти, а учеа за значењето на електричната енергија. Им беа пренесени факти за електрификацијата на земјава која се спроведувала во периодот од 1909 до 1944 година, развојот на Електростопанство на Македонија, поделбата на три субјекта на ЕСМ и неговата приватизација. Децата имаа можност меѓусебе да се запознаат и да се дружат. Се запознаа и со целиот работен процес во кориснички енерго центар Кавадарци.

Овој проект, како пилот проект е реализиран минатата година во Скопје под мотото „Со ќерките на работа“. Годинава истиот е проширен и ќе се реализира на осум локации во земјава. За разлика од лани, годинава се опфатени и момчињата и девојчињата.

А.Д

Додади коментар

▼