На бројните успеси кои младата Пандорка Јанаќиева ги постигна за време на нејзиното школување во Основното музичко балетско училиште во Кавадарци „Лазо МИцев Рале“  годинава се надоврзуваат и последните нејзини постигнувања кои ги забележа на меѓународните натпревари во соседните земји Република Бугарија и во Косово.

Имено  на меѓународниот натпревар за млади исполнители на класични  музички инструменти во Перник Бугарија таа го освои првото место и медал за титулата лауреат на натпреварот со што се здоби и со правото да има свој настап на завршните концерт  рамо до рамо со останатите лауреати на овој меѓународен натпревар  со високо реноме и голема конкуренција на млади и талентирани музичари. Вториот успех на  младата флејтистка Пандорка Јанаќиева е првата награда на  Меѓународниот натпревар на млади музичари во Приѓтина Косово со освоени 99,8 поени од можни 100 и плус специјалната награда за најдобро отсвирена композиција од Јохан Себастијан Бах.

Да потсетиме дека Пандорка Јанаќиева е ученичка во прва година во средното музичко балетско училиште „Илија Николовски Луј“ во класата на  професорката Радмила Поповска.

М.Мукаетова

Додади коментар

▼