Изложба со наслов „Порака“ авторски потпишана од Роберт Цветковски синоќа беше отворена во градската галерија при Домот на културата Иван Мазов Климе. Цветковски е роден 1965 година во Куманово, дипломира на факултетот за ликовна уметност во Скопје, а денес работи во Гимназијата во Крива Паланка како ликовен педагог.Дваесетина самостојни изложби, учесник во повеќе колонии, автор на повеќе од 200 групни изложби во земјава и светот стои запишано за Роберт Цветковски. За него и неговото сликарство пред публиката во Кавадарци зборуваше уметникот Петар Наневски.

Дека Кавадарци може да се гордее со бројот на изложби во последните години, но и квалитетот на авторите потврди директорот на домот на културата Владимир Темков.

Авторот е презадоволен што е дел од Кавадарци.   Делата на Роберт Цветковски се наоѓаат во голем број приватни колекции во САД , Кина , Јапонија, Норвешка, Швајцарија, Франција, Германија, Хрватска, Босна и Херцеговина, Србија, Бугарија и Македонија, како и во постојани колекции во Центарот за современа уметност во Подгорица Црна Гора.

M.M

Додади коментар

▼