Рестриктивните мерки ги дадоа очекуваните резултати. По значително намалување на бројот на нови позитивни на корона вирус се евидентира во изминатата недела во тиквешкиот регион. Помал е бројот и на хопситализирани пациенти кои се лекуваат во ковид одделот на кавадаречката болница.
Во периодот од 1 до 10 април во Кавадарци имаше 355 заразени со ковид 19, а битката со вирусот во овој период ја загубија 17 граѓани. Во наведениот период во Тиквешијата вкупниот број на нови заразени достигна 506, а на починати лица 25.
Во периодот од 11 до 18 април во Кавадарци има 218 нови дијагностицирани и седум мина починати, додека во Тиквешијата вкупниот број на нови заразени беше 297 и 10 починати.
Ова покажува дека последната недела се бележи по значително намалување на нови позитивни.
Заклучно до вчера на ковид одделението во болницата во Кавадарци се хоспитализирани 55 пациенти.
И покрај намалувањето на бројот на нови ковид случаи во тиквешкиот регион, сепак лекарите препорачуваат и понатаму граѓаните максимално да ги почитуваат превентивните мерки.
Комисијата за заразни болести препорача рестриктивните мерки да останат на сила и во наредните седум дена, за што конечна одлука треба да донесе владата на утрешната седница.
A.Д