Нелогичностите кои доаѓаат од ДИК со изборните резултати од предвремените парламентарни избори кои се одржаа завчера продолжуваат. Нивната апликација за резултати покажува дека албанските партии освоиле најмногу гласови и на избирачко место во Кавадарци. Станува збор за тотална грешка.
На гласачко место 660 во Кавадарци според она што може да се види од ДИК, ДУИ добиле 94 гласа, а Алијанса на Албанците 89. Дека станува збор за глупост или нешто друго, покажуваат и резултатите од општинската изборна комисија. Според официјалните резултати од овде, ДУИ на ниво на општина Кавадарци освоиле вкупно 25 гласа, а Алијанса на Албанците само 17 гласа.
Од ДИК мора да дадат одговор која е целта на овие неточни податоци?
Да биде глупоста уште поголема, во чисто македонска средина, на гласачко место 659, СДСМ добиле само 26 гласа, а ВМРО-ДПМНЕ само 6 гласа.
А.Д