Десет нови случаи на корона вирус се дијагностицирани денеска во Тиквешијата. Од центарот за јавно здравје информираа дека девет лица се позитивни од Кавадарци, а едно лице е од Неготино. Сите дијагностицирани се на возраст од 18 до 46 години.
„Дел од новите позитивни се контакти на веќе позитивни лица, а друг дел немале контакт со позитивен на корона вирус. Поголемиот дел од денешните случаи се на домашно лекување“ рече епидемиолог д-р Ристе Јовановски.
Во денешната статистика објавена од министерството за здравство, се впишани осум случаи во Кавадарци. За да нема забуна, еден резултат е добиен подоцна и затоа денешната статистика од кавадаречкиот центар за јавно здравје покажува девет позитивни во Кавадарци.
А.Д