Со распишувањето на локалните избори закажани за 17 октомври годинава течат роковите предвидени во изборниот законик. Во тек е постапка за собирање потписи од независни кандидати за градоначалници и советнички листи.
Во подрачното одделение на ДИК во Кавадарци заклучно до денес претпладне се собираат потписи за градоначалник на Росоман од независниот кандидат, Стојанче Лазов и за советничка листа – група избирачи за Кавадарци, од подносителот Петре Камчевски.
Лазов претходно беше градоначалник на Росоман во два мандати од редовите на ВМРО-ДПМНЕ, а Камчевски е вработен во ЈП Комуналец.
Собирањето на потписи за независните листи завршува на 30 август годинава, а граѓаните можат да го дадат својот потпис секој ден од 08:00 до 20:00 часот, а на ден 30 август 2021 година до 24:00 часот. Подрачната единица на ДИК Кавадарци се наоѓа во просториите на општина Кавадарци.
A.Д