Викендов во Велес се одржа јубилејното 10-то по ред „Образовно рандеву“. Организатор, секоја година е МАССУМ (Младинска асоцијација на средните стручни училишта на Македонија), а домаќин беше СОУ „Димитрија Чупоски“ од Велес.
На „Образовното рандеву“ зедоа учество 60-тина средни училишта од државата. Се натпреваруваа во неколку дисциплини: најдобар штанд, најдобар бенд, најдобра драма, најдобар филм, најдобра веб страна, најдобра видео-реклама, фотографија, бизнис план, инервју за работа, поетска творба, јавно говорење, натпревари во пин понг, серва, кошарка и други.
Стручните училишта од Кавадарци настапија со свои тимови во повеќе дисциплини. СОЗШУ „Ѓорче Петров“ освои сребрен медал во дисциплината „најдобра видео-реклама“. Наградени беа учениците Белчовски Мартин, Маџоски Филип и Ристиќ Слаѓана. Нивни ментори беа професорите: Ѓоко Тодоров и Влатко Тасев.
А.Д