Во тековната 2015 година согласно Програмата за уредување на градежно земјиште на просторот на општина Кавадарци за изградба на улици, реконструкција на постоечки улици и други објекти по урбаните заедници предвидено е да се потрошат вкупно 44 150 000 денари додека за селските месни заедници Марена , Сопот, Дреново, Возарци, Шивец, Бегниште, Куманичево, Горна Бошава, Чемерско,Рожден, Раец и Ќесендре, Ресава, Галиште, Божула, Радња, Крњево и Страгово вкупно 10 150 000 денари.
За Урбаните заедници во Кавадарци најмногу средства 6 650 000 денари предвидени се за УЗ „Страшо Пинџур“ со кои ќе се асфалтираат улиците „Домовица“ и „Дисанска“, ќе се гради потпорен зид на улиците „25 Мај“ и „Глигор Прличев“ додека на улицата „Рајко Жинзифов“ треба да биде асфалтирана и поплочен тротоарот како и тротоарот на улицата „Димката Габерот“ од улицата „Видое Смилевски“ до пешачкиот мост. 6 100 000 денари се предвидени да се потрошат за улиците на УЗ „Кула“ каде ќе се реконструираат улиците: „Цано Поп Ристов“, „Партизанска“ од старото музичко до улицата „Максим Горки“, Орце Николов“ од улицата „Охридска“ до Билевар „Македонија“ и улицата „Блажо Алексов“ до улицата „7- ми Септември“ ќе бидат поплочени две споредни улици и еден паркинг а улицата „орце Николов“ треба да биде асфалтирана.
По околу 4 милиони денари се предвидени да се потрошат за урбаните заедници „Киро Крстев“, „Слога“, и „Љубаш“ . Во „Ќиро Крстев“ на пример се предвидува пробивање тампонирање и прочистителна станица на Калнички дол на улицата „Методија Џунов Џикот“ потоа реконструкција на улицата „7-ми Спетември од Јаворот до Партизан и поплочување на крак од улицата „Брушанска“ . Во УЗ „Слога“ се планира асфалтирање на улиците „Праведничка“ и „Страшо Пинџур“ вклучувајќи гои паркингот кај поштата , изградба на пешачка патека на „Желков дол“ и поплочување на улицата „11 Бригада“. Тротоарите на улиците „Моша Пијаде“ и „Пано Мударов“ во УЗ „Љубаш“ ќе бидат поплочени, нов асфалт ќе добијат улиците „4-ти Јули“ од Улицата „Илкинденска“ до улицата „Љубашка“, предвидено е пробивање на улицата „Моша Пијаде“ кај новиот кружен тек и спојување на улиците „Цветан Димов“ и Булеварот „македонија“ со цвеќарници.
Мирјана Мукаетова