54 предмети изработени од керамика, метал, стаклена паста се претставени на изложбата на археолошки пронајдоци од локалитетот “Мали дол“ кај селото Тремник – Неготино.
Се работи за урни, накит, чинии и чаши и слично, кои потекнуваат од праисторискиот и средновековниот период. Предметите се резултат на деветгодишното систематско истражување на локалитетот, под раководство на Александра Папазова, кустос-советник и доктор по археолошки науки од НУ Археолошки музеј на Македонија.