Манифестацијата „Арт рок хепенинг“ синоќа го исполни градскиот плоштад во Кавадарци.
Почетокот на ова случувањеод културата започнаа претпладнето во Летната бавча на Дом на култура “Иван Мазов – Климе“, каде ликовни уметници од повеќе градови на Македонија реализираа по едно уметничко дело, а истите ги финализираа пред јавноста вечерта на Градскиот плоштад. Учествуваа ликовните уметници: Драган Најденовски, Ема Ќука и Аница Стевановска од Битола, Новица Трајковски и Андријана Мациев од Скопје и Киро Јосифов, Владимир Темков, Драгица Чекорова, Лазар Дојчинов и Горан Боев од Кавадарци, како и младите ликовни таленти Тодорока Пејовска и Арелена Гостимировиќ од Кавадарци.
За музичкиот дел се погрижи “Ано бенд“ од Кавадарци.
Како дел од настанот беше изведен дел од проектот во најава, а со работен наслов Уличен театар “Живи скулптури“ на Театарот при Дом на култура Кавадарци, кој е авторски проект на Микица Илова и Сара Милевска.
Настанот се одвиваше според Протоколите за работа во време на COVID – 19: за сите присутни на настанот – носење лична заштита на лицето, дезинфекција на рацете, одржување на растојание 1,5 – 2 метри и ограничен број на посетители.
“Арт рок хепенинг“ е во организација на Дом на култура “Иван Мазов – Климе“ Кавадарци, со поддршка на Министерството за култура на Република Северна Македонија.